فلسطين بتنادي بقلم وفاء محمود
3 مشترك
♥منتدى من القلب للقلب From heart to heart forum ♥ :: فلسطين Palestine :: فلسطين في القلب Palestine in our heart
صفحة 1 من اصل 1
فلسطين بتنادي بقلم وفاء محمود
فلسطين الدمعة اللي ما نشفت بالعين
هي الضمة اللي ما لقت ايدين
فلسطين الحسرة اللي انخنقت بالجوف
وطلعت بالغصب ميجنا وأوف
فلسطين يا تراب ما داستو رجلي
والشوق إلك شوق السمك للمي
****
هلا يما وين هالغيبة واحبابي وين
انتو بالقلب ولو ما شافتكم العين
يما انخنقت وأنا بنادي
وينكم يا اهلي وينكم يا ولادي
معقول اغيب عن القلب واهون
وانتو انا وإلي طلب عندكم إذا بمون
****
بتستأذني يما والرقبة بتخضع لسيفك
يما اطلبي والروح تحت امرك وكيفك
يما واحنا بهاداك اليوم اللي نردلك فيه جميلك
عيونا الك والبدن مع الروح بنهديلك
يما اطلبي اولادك كلهم منتظرين
قولي واحنا عالموت فداكي راكضين
****
تعبت يما والغُرُب قاعدين بالبيت ومحتلين
واهل الدار يما غايبين عنها وراحلين
كل يوم بقول اليوم بلكي فكرو فيي وحنو
بزيد الجفا يما واقصاكم بتبعدو عنو
يما محتاجيتكم تحررو الارض وتزفو عروستكم
القدس يما يا حبيبي عرضكم وعروبتكم
****
يما دخيلك قلتلك البدن والروح الك بدون جميل
ما كنت اعرف يما انك رح تطلبي المستحيل
(فلسطين عم تبكي)
يا يما دموعك غالية بس والله مو بالإيد
طول ما في محتل وحدود بتخلي القريب بعيد
يا يما ظلمتيني بهالطلب ومروح عالدار
اسف يا يما ابنك غصبن عنو بعلن انو مو إبن بار
(وغابت الشمس اللي ما بتغيب)
رد: فلسطين بتنادي بقلم وفاء محمود
(فلسطين عم تبكي)
واحنابنبكى معاها
واحنابنبكى معاها
إيمان- عضو جديد
- عدد المساهمات : 23
تاريخ التسجيل : 10/08/2009
رد: فلسطين بتنادي بقلم وفاء محمود
إيمان كتب:(فلسطين عم تبكي)
واحنابنبكى معاها
لا دي هي الي بتبكي علينا
♥منتدى من القلب للقلب From heart to heart forum ♥ :: فلسطين Palestine :: فلسطين في القلب Palestine in our heart
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى